Adelaide Chin Christian Church le Mission Riantuannak

Australia ram chung, State pakhat a simi South Australia State chung ah Adelaide khua cu South Australia khualipi a si. Adelaide cu South Australia ramkomh khualipi (city) a si i 1,827 km² a kau. 2020 Kum milu relning ah Adelaide khua ah Million 1.3 reng lo khua an sa i, South Australia ah minung 1.706 million reng lo an um.

2000 Kum thokka hrawng ah Adelaide khua ah Kawlram mi minung tlawm taktak te an rak phan, cu a phanmi hna nih kum 5 chung ah an chungkhar nupi fale an lak cio hna. Laimi tam deuh kan van phanh cu 2006 hnu ah a si.

Adelaide Chin Christian Church cu 12 November 2006 in rak dirh mi a si. Missionary riantuan nak ah hin pumpak cun a rak tuanmi tete zong an um ko lai nain Kriafabupi taktak in MISSIONARY rian tuannak kan thawk hi cu 2011 hin a si.
ACCC missioanary riantuannak cu partnership missionary riantuan nak a si i a voikhatnak rian kan tuannak cu (HBA) Hakha Baptist Association sinah Saya Kil Cung Bik cu Mindung township, Saido khua, Magway Division ah rak thlah a si. Hi lio ah ACCC nih a dangte in Mission Department a ngei rih lo.

ACCC E&M (Mission and Evangelism Department) cu 2012 September 16 ni ah rak ser a si. Cuticun (2012-2013) Mission riantuannak programme caah (C B C) Chin Baptist Convention he Rev Pa Hun (Yaw Mission Field), Pastor Kyaw Shein (Seinletwa, Paletwa Mission Field) le Saya Pum Sian khup (Sakuh, Seikphyu Mission Field) minungpa(3) hi thlah chap an si. 2014-2015 mission rian tuannak programme chung ah HBA (Hakha Baptist Association) he pehtleih in mission rainkan tuantinak hi thlah a si.

ACCC Krihfabu zong Pathian zangfahnak thawngin kan karh deuh caah Mission riantuannak zong kau deudeuh in tuan ding le chap dingah khrikfabupi nih timtuah a si caah (2015-2016 ) Mission riantuannak ding programme caah HBA(Hakha Baptist Association) he a thar in pehtleihnak kan tuah than i Missionary Sayama Aye Aye San (Taungpuhni, Kaanma Mission Field) le Saya Tin Aung (Namada,Paletwa Mission field) minung (2) hi thlah chap an si.

Adelaide Chin Christian Church cu khrihfabu kip fonh le miphun kip fonh in rak dirhmi a si bantukin kan missionary riantuannak zong ah Bu thleidannak um lo tein mission riantuannak zong kau deuh lengmang in tuannak ding program cu (2016-2017) caah tuaktan a si. Hnu lei mission riantuannak hmun le missionaries hna hi Baptist khrihfabu ah a si caah (2017-2018)Mission rian kum hramthok July thla in Believer Church of Myanmar he pehtleih in Saya NgaiHa (Maw-la-myine, Mon state) le SayaJacob Ha Naing (Maw-la-myine, Mon state) ah palai (2) le (CBM) Chin Baptist Mission ah Saya Pa mang (Kayunma,Siekphyu mission field) palai (3) cu thlah chap than an si.

Pathian lamhruainak thawng in 2017-2018 ACCCMission riantuannak program tiang ahhin Mission field hmun (8) chungah hin Missionaries palai (9) hna hi thlah an si.

2019 Kum thok in Global Chin Christian Federation mission riantuannak Pakukku khua ah Sayama Rose Marry kan thlah i a mah cu Further Study peh a duh caah 2020 July in ai din.
2020 August 1, thokin Mindat Baptist Association sinah Mission Field thar kan halmi Pihu khua ah Mission riantuannak Rev. Cung Lian Uk hmangin kan thok. Rev. Cung Lian Uk umnak ding caah Innhmun kan cawh i innsak zong kan timhtuah cuahmah lio a si.

Kan Missionaries hna hmang in 2011-2018 tiang ah minung (13) nih Jesuh cu a ka khamhtu le ka Bawipa a si ti an zumh ca ah tipilnak an ing i Khrihfa ah an cang, nihin chun tiang (2020 kum tiang) ah kan Missionary hna hmangin zumtu thar minung 50 tluk Pathian nih a kan pek. Bawipa min thangthat si ko seh.

Kan missionary riantuanmi chungin an Khrihfabu nih an auh thanmi siseh, kan tuan hawi a simi hna Association nih an term a dih cang tiin an dinhter mi hna le a ruang dangdang ruangah Saya Kil Cung Bik, Rev. Pa Hun, Saya Pa Mang, Saya Tin Maung, Sayama Aye Aye San, Saya Pumsian khup, Sayama Nuam Za Mawi le Sayama Rose Mary hna cu ACCC mission riantuannak in an in din.

2018 Kum ACCC nih phunghram kan remhmi chungah telh a si bantukin ACCC nih Mission rian kan tuannak hi minung tam si loin Holistic Mission in kalpi kan zuam lai i minung tampi thlahnak nakin kan Missionary hna tha deuh zoh le an lahkhah lawng si loin an riantuannak ah bawmtu ding herhhai bawmh chih hi papek in kan tuan chihmi a si.

Kan Missionaries hna le an umnak hmun zumtu hna pumhnak caah le Saya te umnak ding ah Inn pa (2) le Pumhnak Biak inn pa (1) kan sakpaik hna. Kan Missionaries hna umkalnak ding ca ah minungpa (1) ah Motorcycle (1) le Hand phone pa (1) cio kan cawkpiak hna. Motor Cycle hman khawhlonak hmun ah SetHle (Motor boat) kan cawkpiak hna. Hi hna pinah hin adangdang an herhhai ding mi Sollar, Inviter le Battery tbk hna zong kan cawkpiak hna.